302               TESTAMENTS ENREGISTRÉS AU" PAELEMENT; DE PARIS            CUI).
Item, et pour [ce] que mon. dit pere en son testament avoit ordëné que l'on feist faire sur les fosses de lui et de son pere, ou cimetiere de Coulommiers, deux haultes tumbes de plastre, à belles croix de pias­tre, depuis laquele ordenance je y ai fait enterrer trois ou .quatre de mes enfans, et pour ce, tant pour l'acomplissement du dit testament, comme pour ma disposicion testamentaire ou autrement, au mieulx que il pourra et devra estre fait, je ordene et vueil, que ou cas que en pourra avoir congié de ceulx à qui il appartendra, que mes execu­teurs ou heritiers, ou cas que je nel'aray fait en ma vie, y en facent faire cinq entretenans l'une à l'autre, toutes d'une longueur, à belles croix de plastre, chascune, qui voise au long et au travers de la tumbe ; et que celle du milieu soit la plus haulte, et les deux aux deux costés de celle du milieu un pou plus basses, et les autres deux aux deux bous encore plus basses, et toutes voies vueil je qu'elles soient de bonne hauteur, comme de deux piez et demi, ou de trois piez, et que on les ordene telemènt que l'eaue s'en puisse wuider quant il plou-vera, afin qu'elles durent plus longuement. Et si vueil que on face faire à Paris une belle croix de bois, painte et ordenée comme celles qui sont ou cymetiere Saint Innocent, et que on prengne garde aux moyennes et non pas aux plus grandes, ne aux plus petites, et que en l'un des costés soit le crucifiement, et de l'autre costé la Vierge Marie tenant son enfant, et au dessoubz du crucifiement deux prians ou representations de deux bourgois, et au dessoubz de Nostre Dame un homme, une femme et des enfans, et qu'elle soit attachée à bons crampons de fer au chief de la plus haulte des cinq tumbes, et bien attachée et boutée en terre, afin qu'elle dure le plus que l'en pourra.
Item, du testament de ma derreniere femme je doy encore à une femme, nommée au testament Jehanne la Barbière, huit frans, mais je n'ay peu savoir qui elle est, si les faudra convertir en aumosnes, selon l'ordenance du prélat ou de ceulx à qui il appartendra.
Et pour faire et acomplir ce present testament je esliz mes execu­teurs, maistre Gauchier Jayer, mon gendre, et maistre Jehan Her-belet, mon nepveu, qui a espousée Marion, ma niepce, pour faire et